Violenza sexuala

Essas Vus victima d'in act da violenza sexuala? L'agid a victimas As gida a surmuntar quest'experientscha traumatica. Ella As infurmescha davart Voss dretgs e procura per ulteriur agid.

Titelbild - Violenza sexuala

Violenza sexuala u explotaziun sexuala vul dir ch'ina persuna sa stimulescha u sa satisfa sexualmain cunter la voluntad d'ina autra persuna. Violenza sexuala è ina moda da cumportament sexuala che surpassa ils limits, uschia ch'il cunfin intim da la persuna pertutgada na vegn betg respectà. Quai vala era, sch'ina persuna vegn sfurzada cun violenza u smanatschas d'acceptar acts sexuals.

Exempels per violenza sexuala pon esser:

  • mulestas sexualas u agressiuns sexualas en il spazi public, al plaz da lavur ubain a chasa
  • abus sexual en l'uffanza     
  • abus da l'integritad sexuala u violaziun
  • abusi sessuali nell'ambiente ecclesiale
  • mutilaziun genitala feminina

Essas Vus victima da violenza sexuala? Na savais Vus betg co proceder ussa? Na savais Vus betg a tgi As drizzar u cun tgi discurrer sur da quai ch'è succedì? U è ina persuna che stat datiers a Vus victima da violenza sexuala e Vus vulais gidar? Alura As drizzai a l'agid a victimas.

Qua chattais Vus tut ils posts da cussegliaziun da l'agid a victimas

Tge po l'agid a victimas far per Vus?

Las persunas dal fatg da l'agid a victimas pon per exempel far il suandant per Vus:

  • Ellas taidlan per che Vus possias raquintar tge ch'è succedì cun Vus.
  • Ellas As gidan a surmuntar l'experientscha traumatica.
  • Ellas As infurmeschan davart Voss dretgs.
  • Ellas As gidan a decider co cuntinuar, per exempel sche Vus vulais far ina denunzia.
  • Ellas procuran per ulteriur agid. Per exempel agid medicinal spezialisà, in'advocata u in advocat u sustegn psicologic.

Collaziuns

Uffizi federal per l'egualitad tranter dunna ed um: mulesta sexuala al plaz da lavur

Rait cunter la mutilaziun genitala feminina